Kokk- ledig fast 80% stilling

Vestre Slidre helsetun har ledig 80% fast stilling på kjøkkenet.

Vi jobbar i team, med to til tre kokkar pr vekedag, og har dagturnus, med arbeid kvar fjerde helg. 
Vi har eit moderne kjøkken, og produserer mat til alle på helsetunet, samt til ein del heimebuande. Det er også mogleg å bestille catering frå oss. Vi har kantinedrift, som kjøkkenpersonalet har ansvar for, og denne er open alle vekedagar.

Arbeidsoppgåver

• Dagleg matlaging
• Dagleg reinhald 
• Baking
• Distribusjon av middag til heimebuande

Kvalifikasjonar

• Ernærings/diettkokk 
• Erfaring frå arbeid innan institusjonskjøkken er ønskeleg, men ikkje eit krav

Personlege eigenskapar

• Kunne arbeide sjølvstendig og ha gode samarbeidsevner innad i avdelinga, og på tvers med andre faggrupper
• Fint med stor arbeidskapasitet
• Evne til å skape framdrift åleine, og ilag med andre
• Fleksibel og løysingsorientert
• Personlig eignaheit vert vektlagt

Vi tilbyr

• Eit godt og triveleg arbeidsmiljø
• Gode forhold for samarbeid, utvikling og kompetanseutnytting
• Gode forsikrings- og pensjonsordningar
• Løn etter tariff og arbeidsvilkår elles etter gjeldande lover, reglement og tariffavtalar

KontaktinformasjonBente Haugen, Tenesteleiar Vestre Slidre Helsetun, 99690622, [email protected]
ArbeidsstadSlidrevegen 16
2966 SLIDRE
Nøkkelinformasjon:Arbeidsgivar: Vestre Slidre kommune
Referansenr.: 5183908896
Stillingsprosent: 80%
Fast
Søknadsfrist: 05.10.2026

Om arbeidsgiveren:

Andre opplysningar

 Eit godt arbeidsmiljø er prega av mangfald. Vi oppmodar alle kvalifiserte kandidatar til å søkje uavhengig av kjønn, funksjonsevne eller kulturell bakgrunn. Arbeidsplassen vil bli tilrettelagt ved behov. Det vert gjort merksam på at namnet på ein søkjar kan bli gjort offentleg sjølv om søkjaren har bedt om at namnet blir unnteke offentleg søkjarliste. Ynskje om unntak frå offentleg søkjarliste må grunngjevast i søknaden, jf. offentleglova § 25, andre ledd. Søkjaren vert varsla dersom ynskje ikkje kan takast til følgje.

Vestre Slidre kommune er ein landbruks- og reiselivskommune i Valdres, og som ligg vakkert til nær Jotunheimen, er 457 km2 stor og har omlag 2 100 innbyggjarar. Vi har ei god skule, full barnehagedekning og ei av dei beste kulturskulane i landet. Kommunen har også eit rikt kulturliv med song, musikk og idrett, og eit vidt spekter innanfor lag og foreiningar.

Her ligg det til rette for aktivt friluftsliv - både sommar og vinter. Største delen av fjellområda i kommunen er statsallmenning. For jakt- og fiskeinteresserte byr dette på mange gode - som for eksempel fiske med garn og oter i alle vatn i allmenningen, og tilgang til småviltjakt. Vestre Slidre kommune kan også by på eit alpinanlegg og 300 km oppkøyrte skiløyper i vårt vakre og varierte fjellområde, samt to lysløypeanlegg. Det er god kommunikasjon til Oslo og Vestlandet via E-16, som går gjennom kommunen.

Flytte til Valdres? Sjå http://www.velgvaldres.no