Sjukepleiarar og Helsefagarbeidarar 

Vi søkjer sjukepleiarar og helsefagarbeidarar. 

Faste stillingar og vikariat i heimetenesta og bemanna bustader i Volda kommune 

Ambulerande heimetenester gruppe 1 og 2 (base i Volda sentrum)

Sjukepleiar

100 % fast stilling
Turnus: dag/natt og kvar tredje helg
Oppstart: 01.01.2027
100 % vikariat
Turnus: dag/kveld og kvar tredje helg
Periode: 01.11.2026–07.11.2027
100 % vikariat
Turnus: dag/kveld og kvar tredje helg fram til januar 2027, deretter langvakter kvar fjerde helg
Periode: 01.11.2026–31.10.2027
Moglegheit for forlenging
100 % vikariat
Turnus: dag/kveld og kvar tredje helg
Periode: 01.11.2026–01.09.2027

Helsefagarbeidar

83 % vikariat
Turnus: dag/kveld og kvar tredje helg
Periode: 01.11.2026–01.09.2027

FOLKESTADTUN OMSORGSBUSTAD

Helsefagarbeidar

70 % fast stilling
Turnus: natt og langvakter kvar tredje helg
Oppstart: 01.01.2027

BARSTADTUN OMSORGSBUSTAD

Helsefagarbeidar

80 % vikariat
Turnus: dag/kveld og kvar tredje helg
Periode: 01.11.2026–31.08.2027
Pleiemedarbeidarar kan også søkje på stillinga

Om stillingane:
Med oss får du ein variert og meiningsfull arbeidskvardag der du jobbar sjølvstendig og i tett samarbeid med andre faggrupper. Du blir ein del av eit kompetent team som har fokus på kvalitet, fagleg utvikling og gode tenester for brukarane våre.
Vi tilbyr:
✔ Varierte arbeidsdagar med spanande utfordringar
✔ God opplæring, rettleiing og fagleg støtte
✔ Eit inkluderande og godt arbeidsmiljø
👉 Hugs å oppgi i søknaden kva stilling du primært søkjer på. Dersom du er interessert i fleire stillingar ber vi om at dette vert opplyst i søknaden.

Vi ønskjer medarbeidarar som vil vere med og utvikle gode, trygge og framtidsretta helse- og omsorgstenester for innbyggjarane i Volda kommune. Velkomen som søkjar!

Arbeidsoppgåver

Som sjukepleiar eller helsefagarbeidar i ambulerande heimetenesta eller omsorgsbustad vil du vere med på å gi heilskaplege helse- og omsorgstenester til personar med ulike og samansette behov. Arbeidet omfattar pleie, omsorg, observasjon og oppfølging av brukarar, med mål om å fremje tryggleik, meistring og livskvalitet. Du skal bidra til fagleg forsvarlege tenester gjennom systematiske observasjonar, vurderingar og dokumentasjon, samt medverke til at tiltaksplanar vert gjennomførte og evaluerte.

Dei ambulerande heimetenestene yter tenester til personar i private heimar. Dette inneber mellom anna oppfølging av pasientar i alle aldersgrupper, personar med samansette helseutfordringar, multisjuke pasientar og brukarar med behov for kompleks palliativ oppfølging. Arbeidet krev evne til sjølvstendige vurderingar, god observasjonskompetanse og tett samarbeid med pårørande, fastlege, palliativt team og andre aktuelle faggrupper. Kartlegging av behov, utarbeiding, gjennomføring og evaluering av tiltak er ein viktig del av arbeidet.

Ved Folkestadtun og Barstadtun omsorgsbustader vil du vere med på å gi bebuarane ein trygg, aktiv og meiningsfull kvardag. Arbeidet omfattar helsehjelp, pleie, omsorg, aktivisering og miljøarbeid, samt praktiske oppgåver i avdelinga. Personalet skal bidra til at kvar enkelt bebuar får oppfølging tilpassa eigne ressursar, behov og ønskje.

For både sjukepleiarar og helsefagarbeidarar er samarbeid med brukarar, pårørande, fastlege og andre samarbeidspartnarar ein viktig del av arbeidet. Dokumentasjon i pasientjournal, legemiddelhandtering etter kompetanse og fullmakt, samt deltaking i fagutvikling og kvalitetsarbeid inngår i stillingane.

Sjukepleiarar har eit særleg ansvar for kliniske vurderingar, sjukepleiefagleg oppfølging, koordinering av pasientforløp og gjennomføring av meir avanserte medisinske prosedyrar. Sjukepleiarar bidreg også med rettleiing og fagleg støtte til kollegaer og andre yrkesgrupper.

Helsefagarbeidarar har ei sentral rolle i den daglege oppfølginga av brukarane gjennom observasjon, pleie og omsorg, og skal i samarbeid med sjukepleiar og anna helsepersonell bidra til å identifisere behov, følgje opp tiltak og sikre god kvalitet i tenestene. Helsefagarbeidarar vil også kunne rettleie pleiemedarbeidarar, lærlingar og elevar innan sitt fagområde.

Alle tilsette har ansvar for å medverke til eit godt arbeidsmiljø, godt samarbeid og tenester av høg fagleg kvalitet.

Kvalifikasjonar

• Autorisasjon som sjukepleiar eller helsefagarbeidar er krav for stillingane.
• Erfaring frå tilsvarande arbeid vert vektlagt.
• God munnleg og skriftleg framstillingsevne på norsk.
• Alminnelege datakunnskapar.
• Gode evner til kommunikasjon og samarbeid.
• Vi legg vekt på gode grunnleggande fagkunnskapar, inkludert god observasjonsevne.
• Tilfredsstillande politiattest, ikkje eldre enn tre månader, må leggjast fram før oppstart i arbeid.
• Førarkort klasse B

Personlege eigenskapar

• Interesse for arbeid med eldre og personar med samansette hjelpebehov.
• Trivst med å arbeide sjølvstendig.
• God evne til observasjon, faglege vurderingar og iverksetting av nødvendige tiltak.
• Tek initiativ og viser ansvar i arbeidet.
• Har godt humør og bidreg positivt til arbeidsmiljøet. 
• personlege eigenskapar vert avgjerande ved tilsetting

Vi tilbyr

• Løn etter tariff, stillingskode 7174. 7076/4105
• Sjølvstendig og variert arbeid
• God opplæring, rettleiing og støtte, slik at medarbeidarane er trygge og kompetente til å yte tenester av høg kvalitet
• Eit inkluderande og godt arbeidsmiljø med god kollegastøtte
• Høve til fagleg og personleg utvikling
• Fokus på velferdsteknologi og utvikling av framtidsretta tenester.
• Internundervisning og fagleg påfyll, samt tilgang til e-læringkurs frå Visma Glup
• Gode forsikrings- og pensjonsordningar

KontaktinformasjonVegar Batts, Seksjonsleiar, 90 08 99 47, [email protected]
Ingeborg Mork Håskjold, Seksjonsleiar, 90 06 94 73, [email protected]
Elsebeth Melle, Avdelingsleiar, +47 91130521, [email protected]
ArbeidsstadSevrinhaugen 4
6102 Volda
Nøkkelinformasjon:Arbeidsgivar: Volda kommune
Referansenr.: 5192419430
Stillingsprosent: 100%
Fast
Søknadsfrist: 25.10.2026

Om arbeidsgiveren:

Volda kommune er den største kommunen på Søre Sunnmøre og den femte største i Møre og Romsdal når det gjeld folketal, med 11 131 personar. Kommunen ligg strategisk til midt i kryssinga mellom fylker og regionar, med kort veg til ruvande fjell og djupblåe fjordar og vatn. Det er kort veg til dei majestetiske Sunnmørsalpane og eit stort utval av turløyper som passar heile familien.

I Volda finn du både høgskule og sjukehus, noko som bringer eit stor mangfald av menneske frå heile landet hit. Med eit yrande student- og kulturliv gjennomførast det tradisjonsrike festivalar heile året og vi har mange lag og organisasjonar ein kan engasjere seg i.

Det er om lag 1.000 engasjerte tilsette i kommuneorganisasjonen som kvar dag gjer ein viktig jobb for innbyggjarane i kommunen. Om du også ønsker å ha ein meiningsfylt og spennande arbeidskvardag, oppmoda vi deg til å søke på stillingane kommunen lyser ut.

Ta gjerne ein tur innom Volda kommune si heimeside for å bli betre kjent med oss!

Fleire ledige stillingar i Volda kommune